Emanaldiak, gainera, Marc Almodovar egilearekin kontatuko du, proiekzioaren osteko solasaldian. "Arrazismo instituzionalari eta Estatuaren zaintzapeko heriotzei buruzko dokumental bat da, polizien edo funtzionarioen esku hildako pertsona arrazializatuen lau istorio jasotzen dituena", azaldu du OEE Arabak.
"Gure bizitza, gizartea eta erakundeak zeharkatzen dituen arrazakeriari mozorroa kentzen jarraituko dugu, Gasteizko Udaltzaingoak identifikazio arrazistak eta atzerritartasun bulegoari egindako entregak bezalako praktikekin amaitzeko", azpimarratu du elkarteak.
