"Gazte ikuspegitik erantzun bateratu bat emateko" helburuarekin, Zartada Gazte Ekimena egin dute Gasteizen asteburuan zehar, martxoaren 18an, 19an eta 20an.
Urtarrilean aurkeztu zuten ekimena, "Euskal Herriko gazteria eta gazte mugimenduak batu, aktibatu eta elkarlanean jartzeko" asmoz, baita "elkarrekin hausnartu, ikasi eta mobilizatzeko" ere. Lehen asanblada Gasteizko Judimendi auzoko Sumendi Espazioan egin zuten abenduan, eta bilera hartatik atera zen elkargune baten beharretik topaketa bat egiteko proposamena.
Horregatik, martxoaren 18an, 19an eta 20an Gasteizen hiru eguneko egitaraua antolatu dute, Bat egitetik, hamaika izatera lelopean. Ostiraleko 18:00etan hasi eta igandeko eguerdira bitartean, gazte mugimendua, gazte problematikak, euskalgintza, sorkuntza, hezkuntza eta bestelako gai asko jorratzeko hitzaldiak, mahai-inguruak eta tailerrak egin dituzte, mobilizazioa, formazioa eta aisialdia uztartuz.
Horrekin batera, The Lio, Sigeruban eta Berebiziko DJak izan ziren ostiralean Gasteizko Gaztetxean. Larunbat gaueko txanda, berriz, DJ Malandro, DJ Garrote eta DJ PezONena izan zen, Hala Bedi, Garraxi eta Txapelarri tabernetan musika jartzeaz arduratu baitziren.
Laburpen bideoak
Hementxe lehen eguneko irudiak, zartada hasi besterik ez da egin, animatu egunetako egitaraura???? pic.twitter.com/tuY0gj9ray
— Zartada (@gaztezartada) March 18, 2022
OSTIRALEKO LABURPENA????
— Zartada (@gaztezartada) March 18, 2022
???? 1 egitetik 11 izatera! pic.twitter.com/cApcl4H3Mx
????LARUNBATEKO LABURPENA
— Zartada (@gaztezartada) March 19, 2022
Goizean goizetik hamaika eztabaida eta hausnarketa partekatu ostean, Gasteizko kaleak bete ditugu ehunka gaztek!
Guk Zartada???? pic.twitter.com/wRJ3dWTKgE
????IGANDEKO LABURPENA
— Zartada (@gaztezartada) March 20, 2022
Zartada egitasmoaren asteburuari amaiera emateko, azken asanblada nazionala egin dugu, dena hasi genuen bezala, elkarrekin, ondorio eta erronken anlisia egiteko tartea izan da!???? pic.twitter.com/Lh7nZsBR6M