Joan den larunbatean Gasteizen emakume gazte batek etxean izandako abortua ikertzen ari da Ertzaintza, gaur ezagutzera eman dutenez.
Emakumearekin batera haren bikotekidea zegoen. Epailearen aginduz, ginoezkoa atxilotu dute; emakumeen aurkako ustezko indarkeria delituagatik ikertzen ari dira orain.
Poliziek gaueko bederatzietan izan zuten gertakariaren berri. Etxera hurbildu ziren, osasun zerbitzuekin batera. Emakumea ospitalera eraman zuten, eta fetua Auzitegi Medikuntzako Euskal Institutura, gertakariaren nondik norakoak argitu nahian. Gizonezkoa, berriz, atxilo eraman zuten.
Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (EAEn) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.