Errusiak Ukrainan abiatutako gerraren ondorioei aurre egiteko, euskal ukrainar komunitateak bilketa kanpaina bati ekin dio hainbat hiritan: Gasteizen, Irunen, Bilbon, Donostian eta Santanderren. Ukraina-Euskadi elkartearen bitartez jaso eta Ukrainara bidaliko dituzte jasotako ondasunak; Gasteizen kasuan, Esperanza kaleko 2. zenbakian kokatutako Slavianka dendan egingo dute bilketa.
Alde batetik, dohaintza moduan dirua jasoko dute elkartearen kontu korronte zenbakian: ES16 2095 5001 0091 1443 7029. Horrez gain, oinarrizko beharrak, arropa, hotzari aurre egiteko materialak, janaria, sendagaiak eta hornikuntza medikoa jasotzen ari dira.
