Urteko azken egunean, abenduaren 31n, ospatu ohi den San Silvestre lasterketa bertan behera uztea erabaki du Arabako Atletismo Federazioak, probaren babesle nagusiak diren Udalarekin eta Vital Fundazioarekin batera.
Bigarren urtez jarraian hartutako erabakia Covid-19aren pandemiaren azken asteetako datu txarren ondorioz hartu dute, osasun agintariengandik jasotzen diren gomendioei jarraituz.
Antolatzaile eta babesleek astelehen honetan eman dute erabakiaren berri; hain zuzen ere, 2.500 lasterkari inguru bildu dituen Gasteizko Maratoi Erdia ospatu den asteburuaren ostean.