Gaurtik aurrera zabalik izango da Eguberrietako izotz-pista, patinatzen ikasteko gunea eta 100 metroko txirrista, Florida parkeko kioskoaren inguruetan. Inaugurazio ekitaldian zinta-mozketa buru ostean, irristaketa-erakustaldian egin dute Bipolo klubeko kideek eta aurrerantzean herritar guztien gozamenerako zabalik egongo da espazioa Errege eguneko asteburua igaro arte.
Egunero, 10:00etatik 14:00etara eta 16:00etatik 22:00etara egongo da zabalik espazioa, salbuespen hauekin:
- Abenduaren 24an eta abenduaren 31n : 10:00etatik 14:00etara eta 16:00etatik 20:00etara.
- Abenduaren 25ean eta urtarrilaren 1ean : 10:00etatik 14:00etara eta 16:00etatik 24:00etara.
Sarrerak pista ondoko leihatilan bertan eros daitezke, baina, itxaronaldiak saihesteko, aldez aurretik on line erostea gomendatzen da. Honakoak dira aurten ezarritako tarifak:
- Izotz pista: 2,50€ orduko (patinak eta, 16 urtetik beherakoen kasuan, kaskoa barne).
- Txirristatik jaistea: 0,85€ bidaia bakoitzeko.