Urtero bezala, GEU Elkarteak kalejira batekin eta kandelak piztuz ospatu du Euskararen Nazioarteko Eguna. Ospakizuna 18:00etan hasi da, Arka plazatik abiatutako zirku kalejira batekin. Teantro konpainiaren eskutik eta erdigunean zehar geldiune batzuk egin eta gero, publikoa Andre Maria Zuriaren plazara iritsi da 19:00etan.
Bertan, neguburua hurbil dagoela aprobetxatuz, arratsaldeko iluntasunez baliatu dira Euskararen Argia pizteko; argitxoak eta kandelak mosaiko batean batuz —aurreko urteetan baino aukera ekologikoagoa—, Euskarak 365 leloa osatu dute. Urtero lez, etxeko txikiek ere aukera izan dute kandelak pizteko.