Astearte honetako 13:00ak aldera, udaltzainek San Ignazio Loiolakoaren kaleko banku batean eserita ikusi zuten biktima, negarrez, oso urduri eta zaurituta: eskuineko bekainean zauri bat zuen odoletan, eta eskuineko begian hematoma bat. Agenteek zer gertatu zitzaion galdetu zioten, eta Alde Zaharreko beren etxean bikotekideak eraso egin ziola kontatu zien.
Testigantza horren harira, hainbat udaltzain etxebizitzara joan ziren, eta ustezko erasotzaileak berak ireki zien atea. Haren eta hainbat lekukoren bertsioa entzun ostean, Udaltzaingoak gizonezkoa atxilotu zuten.
Gaur jarri dute epailearen aurrean, dagokion argiketa Emakumearen aurkako Indarkeriaren Epaitegira bidali ostean.
Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (EAEn) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.