Bihar, urriaren 6an, Auzo Eszena programaren udazken-neguko denboraldirako sarreren salmenta hasiko da. Udaleko Kultura Zerbitzuak sustatutako programa horri esker, urtez urte, Gasteizko arte eszenikoen alorreko konpainia ez-profesionalek aukera dute beren proposamenak jendaurrean erakusteko, gizarte etxeetako ekitaldi aretoetan.
"Agertoki finko eta egonkorra" sortzeko bultzada gaur egungo egoeran "bereziki garrantzitsua" dela azpimarratu du Kultura zinegotzi Estibaliz Cantok, denboraldi berriaren aurkezpenean. Izan ere, horrela, gasteiztarrek askotariko jarduerataz gozatzeko aukera dute: "Umorea, antzerkia, magia, bakarrizketak, komedia, musikala... haur, familia, heldu eta gazteentzat", gaineratu du. Otsailetik maiatzera bitarteko denboraldian, adibidez, 732 ikusle lortu zituen zikloak.
Denboraldi honetan, bost antzezlan, bi magia ikuskizun eta olerki teatralizatu bat eskainiko du Auzo Eszenak, urriaren 17tik abenduaren 19ra bitartean igandero —urriaren 31n, azaroaren 28an eta abenduaren 5ean izan ezik—. Betiere, Covid-19ari aurre egiteko araudiak unean-unean ezartzen dituen osasun neurriak errespetatuz.
Sarrerak gizarte etxe zein Udaleko kirol instalazioetan (pilotalekuetan izan ezik) eskuratu ahal izango dira, baita internet bitartez ere, ikuskizuna hasi baino ordubete lehenagora arte. Prezioak 3 eta 5 euro artekoak izango dira, ikuskizunaren arabera.
Egitaraua
- Urriak 17, igandea, 19:00etan
- Antzerkia: Kiki. el cabaret, Baidefeis taldearen eskutik, Araneko gizarte etxean.
- Urriak 24, igandea, 19:00etan
- Magia: Txirriski Mirriski, Mago Goyorekin, Arriagako gizarte etxean.
- Azaroak 7, igandea, 19:00etan
- Antzerkia: Luces y sombras, Titania taldearen eskutik, Salburuko gizarte etxean.
- Azaroak 14, igandea, 19:00etan
- Antzerkia: Cinco horas con la Mama, Antrokiarekin, Arriagako gizarte etxean.
- Azaroak 21, igandea, 19:00etan
- Olerki treatralizatua: Decidme cómo es el árbol, Club de los poetas rojos taldearen eskutik, Salburuko gizarte etxean.
- Azaroak 28, igandea, 19:00etan
- Magia eta beste: VIII Gasteiz Varietés 2021, Tadir taldearen eskutik, Zabalganeko gizarte etxeko ekitaldi aretoan.
- Abenduak 12, igandea, 19:00etan
- Antzerkia: Sin compromiso, Hirukide taldearen eskutik, Aldabe gizarte etxean.
- Abenduak 19, igandea, 19:00etan
- Antzerkia: ¡Pero esto qué es!, Auskalhop taldearen eskutik, Ariznabarreko gizarte etxean.