Martxan da berriro ere Auzoko. Dagoeneko zabalik dago Euskaltzaleen Topaguneak kudeatzen eta sustatzen duen proiektuan izena emateko epea. Interesatuek irailaren 30era arte dute izena emateko aukera Topaguneren atarira sartuta, eider@topagunea.eus helbidera mezua bidalita edo 688 764 540 telefono zenbakira deituta.
Euskara, aniztasuna eta herritarrak barne biltzen dituen egitasmoa da Auzoko. Euskaratik urrun bizi direnak euskarara hurbiltzeko du helburu, eta elkarbizitza berdintasunean eraikitzeko aukera bat da. Horretarako, astean behin elkartzen dira taldeak, hainbat dinamika eta jolas euskaraz egiteko.
Araban, Gasteizen jarriko dute martxan Auzoko.