Gizon bat atxilotu dute Gasteizen, heroina trafikoagatik

Atxilotuaren etxean aurkitutakoa. GASTEIZKO UDALTZAINGOA

Bere etxean 250 gramo inguru topatu dituztela jakinarazi du Udaltzaingoak.

Gasteizko udaltzaingoak 56 urteko gizonezko bat atxilotu zuen atzo goizean heroina trafikoarekin lotutako osasun publikoaren aurkako delituaren ustezko egilea izateagatik.

Udaltzaingoak emandako datuen arabera, susmagarria Koroatzearen auzoan ostalaritza establezimendu baten inguruan mugitzen zen eta, ondorioz, jarraipena egitea erabaki zuten; orduan droga-transakzioak bizkor egiten zituela egiaztatu zuten. Heroina zela baieztatu ondoren, udaltzainek gizonezkoa atxilotu zuten.  

Handik gutxira, haren etxebizitza erregistratu eta 250 gramo heroina inguru eta 1.200 euro baino zertxobait gehiago topatu zituztela jakinarazi du Udaltzaingoak. Bestalde, droga prestatzeko eta saltzeko hainbat material ere aurkitu zuten: doitasun-baskula eta hainbat telefono mugikor, besteak beste.

Atxilotua gaur goizean jarri dute epailearen esku.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide