Indarkeria matxista

24 urteko gazte bat atxilotu dute Alde Zaharrean, bikotekideari eraso egiteagatik

Gasteizko Alde Zaharra, airetik ikusita. / QUINTAS-AFA

Udaltzaingoak 24 urteko gazte bat atxilotu zuen larunbatean Gasteizko Alde Zaharreko etxebizitza batean, ustez bikotekidea aurpegian eta lepoan kolpatzeagatik.

Larunbateko 05:30ak aldera, emakume batek Poliziaren laguntza eskatu zuen Alde Zaharreko etxebizitza batean. Bertaratu ziren udaltzainei azaldu zien bikotekideak aurpegian eta lepoan kolpatu zuela. Gizonezkoa ere etxean zegoen, eta eztabaida batean bikotekideari bultza egin ziola azaldu zien berak.

Bi aldeen adierazpenak eta emakumearen markak ikusita, gizonezkoa atxilotu eta epailearen esku utzi zuten, genero indarkeria delitu baten ustezko egilea izateagatik.

Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (EAEn) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide