Ertzaintzak Boulevard merkataritza gunea hustu du, motxila susmagarri batengatik

Instalazioak hustu eta inguruak itxi ditu Ertzaintzak. / ALEA

Motxila susmagarri batek alarma piztu du Gasteizko Zaramaga auzoko Boulevard merkataritza zentroan. Ertzaintzak instalazioak hustu eta inguruak itxi ditu, eta Lehergailuak Indargabetzeko Unitatea mobilizatu behar izan du.

Ostegun honetako 19:30ak aldera, Boulevard merkataritza gunean erosketak egiten ari ziren herritarrek harriduraz ikusi dute Ertzaintza eta Udaltzaingoa instalazioak utzarazten ari zirela. Polizia iturrien arabera, lehergailuren bat izan zezakeen motxila susmagarri batek piztu du alarma; antza denez, segurtasun kamerek grabatutako gizonezko batek kirol establezimendu baten inguruan utzi du poltsa.

Ondorioz, Ertzaintzak Lehergailuak Indargabetzeko Unitatea (UDE) mobilizatu behar izan du. Jendea eraikinetik kanporatzeaz gain, inguruak itxi eta sokaz hesitu dituzte merkataritza zentroko hainbat zonalde eta kanpoaldea.

21:00ak aldera, ingurua miatu eta edozein arrisku baztertu ostean, inguruak ireki dituzte; izan ere, motxilak arropa besterik ez zuen.

Informazioa eguneratzen ari gara.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide