Astelehen honetan, Etxebizitza Sindikatuak ohartarazi du berriki jakin duela desokupazio enpresa batek Abetxuku auzoan jardun duela uztailean. Okupatutako etxebizitzan bizi ziren pertsonak sindikatuarekin harremanetan jarri dira azken egunetan, gertatutakoaren berri emateko. Sindikatuko kideek ALEAri azaldu diotenez, bizilagun horiek ez dituzte zehazki Desokupa enpresako kideak identifikatu, baina etxebizitza utzarazteko metodologia bera erabili zutela diote.
Oraingoz, ez dute gertatutakoaren inguruko xehetasun gehiagorik eman, baina gertatutakoari buruzko informazioa zabaltzeko eta enpresa mota horien praktikak salatzeko prentsaurrekoa deitu dute Etxebizitza Sindikatuak berak eta Erraki sareak, asteazkenean, uztailaren 28an, 18:00etan Abetxukuko beheko autobus geltokian; bertaratzeko dei egin diete prentsari eta herritarrei.
Desokupazio enpresak
Azken urteetan polemika handia piztu du bere burua "desokupazio enpresa" gisa aurkezten duen Desokupa taldeak. Konplexurik gabeko izaera zein estetika ultraeskuindar argiarekin, bere ibilbidea Katalunian abiatu zuen, eta ondoren Espainiako estatu osoan zehar jardun du. Jabeek kontratatuta, okupatutako etxebizitzak utzarazten dituzte epaitegien agindurik gabe.
2021eko apirilean, lehen aldiz esku hartu zuen Euskal Herrian, Abadiñon gauzatutako etxegabetze batean; Ertzaintzaren kolaborazioa salatu zuten orduan ahots askok. Handik egun gutxi batzuetara, maiatzaren 12an, Desokupak beste esku hartze bat iragarri zuen Bilbon, baina, auzokideen protesten ondorioz, iritsi aurretik buelta eman behar izan zuten.
???????????????????????????????????? ???????????????????????????????? ????????????????????????????!????
— Etxebizitza Sindikatua (@EtxeSindikatua) July 26, 2021
ADI⚠️Desokupak etxe bat hustu du Abetxukon.
ATENCIÓN⚠️Desokupa desahucia en Abetxuko
????Asteazkenean / Miércoles
⏰18:00retan
????️PRENTSAURREKOA/RUEDA DE PRENSA
Zatoz! ¡Ven! pic.twitter.com/AUMd5EqgAV