Halaber, Andre Maria Zuriaren jaietako eskulangintza-azoka, Olarizuko erromeriako azoka eta Gasteizko Erdi Aroko azoka ez egitea erabaki dute. Añanan, berriz, Angostoko azoka bertan behera utzi dute.
Covid-19aren transmisioa eragozteko neurrien barruan, eta osasun-egoerak eskatzen duen zuhurtzia dela eta, Gasteizko Udalak bertan behera utzi ditu azoka bereziak, irailera arte. Prebentzio-neurri horrek Santiago Eguneko baratxurien azokari eragingo dio, Andre Maria Zuriaren jaietako eskulangintza-azokari, Olarizuko erromeriako azokari, eta Erdi Aroko azokari.
Halaber, Añanako Landa Garapenerako Elkarteak Gaubeako Angostoko Azoka –irailaren lehen igandean ospatzen da– bertan behera utzi du.
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?