Gasteizko udal laborategiak instalazio horietan egin ohi dituen analisietan ohiz kanpoko balioak agertu dira pseudomona aeruginosa mikroorganismoaren neurketan. Araudi tekniko-sanitarioa betetze aldera, neurketen emaitzen berri izan bezain laster itxi egin dituzte hiru igerileku horiek, kautelazko neurri gisa.
Zehazki, Aldabeko gizarte etxeko igerilekuetako ontzi handiari eta txikiari eragiten die neurriak, baita Ibaiondoko gizarte etxeko igeriketa ontziari ere; igerileku ludikoa, ordea, zabalik dago.
Parametroak ohiko balioetara itzuli arte mantenduko dira itxita. Bitartean, behar diren neurri zuzentzaileak aplikatuko dira, uraren kalitatea normaltze aldera. Neurri horien ondorioz igerilekuak berriro irekitzeko aukera izan bezain laster emango du Udalak horren berri.