Goizeko 11:00etatik aurrera, zortzi gune izan ziren hiriko hainbat plazatan: Iparraldeko Parkean, Jolasten Gunea; Probintzia plazan, Elkartasuna Gunea; Martxoak 3 plazan, Ahazten Ez Gunea; Kutxi 72n, Ereiten Gunea; Rafa plazan, Okupatzen Gunea; Bollerias plazan, Errebeldea Gune Feminista; Andre Maria Zuriaren plazan; Kaleak bizikletaz Gunea; eta Sefarad plazan, Antzezten Gunea.
Gune bakoitzak herri mugimenduko edo kulturako eragile talde batek kudeatu zuen, eta, ondoren, 13:00etan, guztiek bat egin zuten San Anton plazatik abiatutako manifestazioan.
Azkenik, ekitaldian, mugimendu feministako kide batek, pentsionista batek, gazte mugimenduko kide batek, Olarizun okupatutako etxebizitzetako bizilagun batek eta osasungintzako langile batek hartu zuten hitza, "elkar zaintzen, antolatzen, borrokatzen eta kaleak hartzen" jarraitzeko deia zabalduz.