Dagoeneko hiru urte daramatzate borrokan Osakidetzaren menpeko zentroetako garbitzaileek. Garbialdi azpi-kontrataren langileak dira, eta, gaur egun, hitzarmen kolektiboa berritzeko negoziazioak blokeatuta jarraitzen du. Baina sindikatuek lan baldintza duinak exijitzen dituzte, funtsezkoak diren heinean, bereziki pandemiak agerian utzi duenez.
Gaur gehiengo sindikalak (ELA, LAB, UGT, CCOO eta ESK) deitutako greba eta mobilizazioekin, zazpi aldarrikapen zehatz jarri nahi izan dituzte mahai gainean, hitzarmena negoziatzeko:
- 2012ko lanbide-karrerarako sarbidea.
- Lanpostu hutsen estaldura arautzea, lankideak lanaldi partzialekin zigortzea saihestuz.
- Txanda-kontratuari lotutako erretiro partziala hartzea.
- Plantillen gaineko akordioak ezartzea.
- Absentziak ordeztea: oporrak, lizentziak... lan kargak saihestuz.
- Lantokietan segurtasuna eta Norbera Babesteko Ekipamenduak (NBE) entregatzea.
- Enplegua bermatzea, zerbitzua publiko bihurtuz.
Eusko Jaurlaritzak %100eko gutxieneko zerbitzuak ezarri ditu grebarako, eta horrek protesta "erabat baldintzatu" duela salatu dute sindikatuek. Hala ere, aldarrikapenei eusteko eta batasun sindikalean oinarritutako mobilizazioekin jarraitzeko dei egin dute.
GARBIALDI CULPABLE, OSAKIDETZA RESPONSABLE‼
— ELA Gasteiz (@ELAGasteiz_) May 27, 2021
????Si somos esenciales, condiciones dignas????
????Funtsezkoak bagara, baldintza duinak????
✊????Llevamos 3 años sin convenio✊????#GarbikuntzaBorrokan@ELAsindikatua @ElaFeminista @ELAOsakidetza pic.twitter.com/8hc6AHLdsf