Dendaraban izan zen iaz, eta Jesus Guridi kontserbatorioak hartuko du aurten Dazz Jazz jaialdia. Seigarren urtez ospatuko da, baina aurten ere ezingo da Dazz klubean egin. Kontserbatorioan iaz baino lagun gehiago elkartu ahal izango dira, uztailaren 5etik 8ra.
Guztira lau kontzertu eskainiko ditu aurten. Uztailaren 5ean, astelehenez, hasiko da egitaraua, Jorge Pardo Trioren kontzertuarekin, eta hilaren 6an Alfredo Rodriguez Trioren txanda izango da. Andrea Motis Quartet hilaren 7an arituko da, asteazkenez, eta hilaren 9an, ostiralez, Sacatubon.
Gainera, bi master class ere izango dira. Hilaren 8an, ostegunez, Roberto Pachecorena, eta hilaren 9an, ostiralez, Alfredo Rodriguezena, biak ere 11:00etan.
Emanaldiak 20:00etan iznago dira. Sarrerak www.musikaze.net webgunean eros daitezke, eta abonamenduak, berriz, bai webgune horretan, bai Dazz klubean (Aiztogile kalea, 60; Gasteiz).
