Maiatzaren 14tik aurrera, Gasteizko udal igerileku estalietan igeriketa librean nahiz jolasean aritzeko ordutegi berriak ezarriko dira ostiraletan, asteburuetan eta jai egunetan. Horrekin batera, leku kopurua handituko da.
Guztira, 1.743 leku gehiago izango dira: 274 ostiraletan eta 1.469 larunbat eta igandeetan. Horrela, une honetan eskaintzen ari diren 5.600 lekuetatik 7.343 lekuetara igaroko da, edukiera %30 handituz. Betiere, agintari sanitario eskudunek finkatutako edukierak betetzen jarraituko dute.
Ordutegi berri horiek modu ezberdinean egokituko dira igerilekuaren arabera, Udalak espazioen aldez aurreko okupazioa kontuan izan duelako: udal ikastaroak, denboraldiko entrenamenduak eta abar.
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?