Hirian superetxadiak sustatzeko Gasteizko Udalaren plana aurrera doa, eta astelehen honetan ekin diote Koroatze auzoko Eulogio Serdan kaleko lanei, eguzkilore kale berria izan dadin, oinezkoentzat atseginagoa. Andre Maria Zuriaren Koroatzearen kaletik Domingo Beltran de Otazu kalera bitartean egingo da esku-hartzea.
Horrela, Larrugile kaleko esperientziari jarraipena emango dio Mugikortasunaren eta Espazio Publikoaren Sailak. Eta antzeko beste esku-hartzeetan bezala, eguzkilore bat marraztuko dute bidearen sarreran, babestutako espazio bateko sarbidea sinbolizatuz
Besteak beste, zebrabide asimetriko bat ezarriko da, oinezkoek lehentasuna dutela gogorarazteko; horrez gain, jardinerak, eserlekuak eta bizikletentzako aparkalekuak jarriko dira, eta bertako ostalaritza establezimenduek terrazak jartzeko aukera izango dute.
Oinezkoentzat espazioa irabazteko beste formula bat lineako aparkalekuak bateriako aparkaleku bihurtzea izango da. Hortaz, orain arte ibilgailuek okupatu ohi dituzten hainbat espazio hustuko dira. Azkenik, motorrak aparkatzeko espazioak ere sortuko dira.