Astelehen honetan, Zapatari kaleko 36. zenbakian gauzatutako etxegabetze baten berri eman du Etxebizitza Sindikatuak. Kaleratutako bost bizilagunek urtebete baino gehiago igaro dute bertan, eta, sindikatuaren arabera, "beste alternatibarik ez zuten" pertsonak dira.
Plazaratutako komunikatu batean, Etxebizitza Sindikatuak azaldu du hasiera batean jabeak "etxegabetze ilegal" bat gauzatzen saiatu zirela, baina epaileak ez zien arrazoia eman. Hala ere, azkenean bigarren prozedura judizial baten ostean, epaitegiak etxegabetze agindua onartu du. Bien bitartean, prezio baxuko alokairu bat adosteko ahaleginak egin dituzte sindikatutik.
"Hau da klase jabedunen jarrera: hobe hutsik proletalgoaren beharren zerbitzura baino", deitoratu du Etxebizitza Sindikatuak, bost kideen etxegabetzea arbuiatuz. "Egunero ematen diren etxegabetzeen beste adibide bat dugu; izan ere, moratoriak etxegabetzeen arazoa denboran desplazatzeaz gain, ez ditu hainbat eta hainbat kasu aurreikusten. Etxegabetzeak exekutatzen jarraitzen dute".
Sindikatuak azaldu duenez, etxegabetutako bost kide horiek sindikatuan antolaturik daude, eta horri esker bizileku berri bat lortu dute beraientzat: "Baina hau salbuespen bat da. Lehentasunezkoa zaigu antolakuntza komunista hedatzen jarraitzea, soilik horrela bilakatuko dugu salbuespen hau gizarte berri baten araua", azpimarratu dute.
|⚠️ADI⚠️ALERTA⚠️
— Etxebizitza Sindikatua (@EtxeSindikatua) April 19, 2021
‼️ ETXEGABETZE BAT EMAN DA GASTEIZEN!
‼️ ¡SE HA EJECUTADO UN DESAHUCIO EN GASTEIZ! pic.twitter.com/iBIpeNLvfP