Udaltzaingoak jakinarazi du larunbat gauean Salburuko Bulebarrean ibilgailua irauli zuen 30 urteko gidariak positibo eman zuela alkoholemia testa egiterakoan, botatako aire litro bakoitzeko 0,70-0,63 miligramoko alkohol-tasarekin; hau da, baimendutako tasa (0,25) hirukoiztuz.
Ibilgailua aparkatutako beste auto baten aurka talka egin ondoren irauli zen, eta kalteak eragin zizkion. Suhiltzaileak eta anbulantzia bat bertaratu ziren istripua jasan zuen pertsonari laguntza emateko. Udaltzaingoak prentsa oharrean azaldu duenez, gidariak bertan jaso zuen laguntza eta ez zen beharrezkoa izan osasun zentro batera eramatea.
Une honetan, errepide hori tranbia Salbururaino eramateko obren eraginpean dago.