Erakundeak emandako datuei jarraiki, orotara iaz 401 ikasle graduatu ziren Letren Fakultatean. Titulazioen arabera, hauek izan ziren datuak: Filologian, 64; Ingeles Ikasketetan, 85; Euskal Ikasketetan, 49; Historian, 89; Artearen Historian, 30; Geografia eta Lurralde Antolakuntzan, 25; Itzulpengintza eta Interpretazioan, 59.
Eva Ferreira errektoreak ikasle graduatu berriak zoriondu ditu. "Uste dut bere benetako neurrian baloratu behar dugula honelako ekitaldi bat egitea: pandemia gorabehera bizitza akademikoak aurrera jarraitzen duela erakusten digu, eta zailtasunak zailtasun, zuen proiektu akademikoa ez dela gelditu, eta bidearen beste etapa bat arrakastaz amaitu duzuenaren seinale dugu", adierazi du.