Iturri sindikalen arabera, lan istripu larria gaueko txandaren azken minutuetan gertatu da, langilea lanaldia amaitzen ari zenean.
Ibilgailuaren muntatze-faseetako batean, ibilgailuei gurpilak jartzen zaizkien gunean, hesi bat gainditu du langileak. Ondorioz, langilea hormaren eta ibilgailuaren karrozeriaren artean harrapatu egin du makinak.
Larrialdietako zerbitzuek ospitalera eraman dute langilea; izan ere, istripuaren ondorioz, aurpegia eta burua puztu zaizkio eta odola zerion belarrietatik. Larrialdiko ebakuntza egin diote, eta Txagorritxuko Zainketa Intentsiboetako Unitatean (ZIU) dago behaketapean.