2020-2021 ikasturtean seme-alabak Gasteizko haur eskola publikoetara eraman nahi dituzten pertsonek apirilaren 12tik maiatzaren 9ra bitartean egin ahal izango dute matrikulazioa. 2021eko maiatzaren 5etik 14ra bitartean jaiotako haurren kasuan, matrikulazioa maiatzaren 19ra arte luzatuko da.
Hezkuntza eta Kultura zinegotzi Estibaliz Cantok nabarmendu duenez, Udala Haurreskolak Partzuergoarekin lan egiten ari da herritarrei leihatila bakarreko zerbitzua eskaintzeko. Pandemiaren eraginez ikasturte honetan ezarritako segurtasun protokolo berezia datorren ikasturtean ere mantenduko da.
Horrez gain, 18.000 eurotik beherako errenta duten familientzat zerbitzuak doakoa izaten jarraituko du.
1.428 leku
Gasteizko haur eskola publikoen sareak 25 eskola ditu une honetan, eta 1.428 leku: 962 urte bateko umeentzat, 304 urte bat baino gutxiagoko haurrentzat, eta 162 bi urtekoentzat.
Plaza horietako batean izena online emateko aukera dago, Udalaren egoitza elektronikoaren bitartez; horretarako, identifikazio digitaleko ziurtagiria beharrezkoa da. Horrez gain, aurrez aurreko matrikula herritarrei laguntzeko bulegoetan egin daiteke, gizarte etxeetan edo San Antonio kaleko udal bulegoan.
Ekainaren 4an, zerrendak
Aurre-matrikulazio epearen ostean, onartuen behin-behineko zerrendak eta itxarote-zerrendak ekainaren 4an argitaratuko dira. Ondoren, erreklamazioak egiteko epea ekainaren 4tik 9ra bitartean izango da, eta, azkenik, ekainaren 21ean argitaratuko dira behin betiko zerrendak.
Matrikula ekainaren 21etik 25era bitartean baieztatu beharko da. Ikasturtea irailean hasiko da, eta, leku librerik egonez gero, familiek hilez hil eman ahalko dute izena.
Informazio-hitzaldiak
Udaleko Hezkuntza Zerbitzuak bi hitzaldi antolatu ditu informazio gehiago jaso nahi duten familientzat:
- Apirilaren 12an, astelehenean, 18:00etan Europa jauregian
- Apirilaren 13an, asteartea, Salburuko gizarte etxean.
Hitzaldietan parte hartzeko izena eman beharko da Udalaren webgunean. Hala ere, saioak streaming bidez jarraitzeko aukera ere izango da.