2020ko urritik, Bizikidetza landuz, demokrazia ehunduz solasaldi zikloa antolatzen dabil Bake prozesua indartzeko Foro Sozialak. Astearte honetan, martxoaren 16an, 18:30ean Gasteizko Europa Jauregian, zikloaren hirugarren hitzaldiaren txanda izango da, Maialen Kortabarria moderatzailearen eskutik.
Ander Zurimendi kazetaria, David Perez Sañudo zinegilea eta Patxi Zubizarreta idazlea mahaiaren inguruan bilduko dira, kultura eta bizikidetza demokratikoaren inguruan hitz egiteko. Edukiera 40 pertsonakoa izango da, eta hitzaldia aurrez aurre jarraitu ahal izateko, ezinbestekoa da izena ematea honako formularioaren bitartez.