Suhiltzaileen udal zerbitzuak azaldu duenez, San Martin auzoko jatetxean sua piztu zenean, lokala itxita zegoen jada, eta ez zegoen inor barruan. Beraz, PSISZko (Prebentzio, Su Itzaltze eta Salbamendu Zerbitzua) kideek indarrez ireki behar izan zuten atea, sukaldera sartu ahal izateko.
Bertan, su hartutako ihesa zuten hiru butano bonbona topatu zituzten; ia agortuta zeudenean, suhiltzaileek itzali egin zituzten, eta kanpora atera zituzten jatetxean gordeta zeuden beste hamaika bonbonarekin batera.
Suteak ez zuen zauriturik eragin, baina kalte handiak eragin zituen: sukaldea suntsitu zuen, jangelako sabaia erorarazi zuen, eta sutean sortutako keak lokal osoari eragin zion. Gainera, kea inguruko garajeetako batean sartu zen; kea bertatik eta alboko ataritik kea aterarazi behar izan zuten suhiltzaileek, eta igogailua zerbitzurik gabe utzi behar izan zuten.