Bizikletentzako bi bidegorri egiteko lanei ekin die Raimundo Ruiz de Escuderok zuzentzen duen Mugikortasunaren eta Espazio Publikoaren Sailak: bata Salburuko hezegunerantz joango da, eta bestea, berriz, Madril kalearekiko biribilgunerantz.
Galtzadaren gainean marraztuko dira bizikletentzako bideak, ibilgailuenaren kontrako noranzkoan. Eta zirkulazioa orduko 30 kilometroko abiadurara mugatuko da, segurtasuna hobetze aldera.
Udal gobernuaren eta Elkarrekin taldearen arteko aurrekontu-akordioaren emaitza den esku-hartze honek 50.000 euro inguruko inbertsioa izango du, eta aste honetan bertan egitea aurreikusi da; hala ere, data zehatza eguraldiaren mende egongo da, batez ere margotze-lanei dagokienez.
"Salburua bezalako auzoetan konektibitatea hobetzea eta garraio iraunkorra eta osasungarria sustatzea da sail honen ildo estrategikoetako bat", azaldu du Ruiz de Escuderok. "Kasu honetan, kilometroak gehituko dizkiegu bizikletentzako bideei".
