Atzo, gaur bezala, borroka garaia! lelopean, egun osoan zehar mobilizazioak deitu ditu Gasteizko Gazte Blokeak —hiriburuko gazte eta ikasle mugimenduetako hainbat eragilek osatutako mugimendua—, Martxoaren 3aren 45. urteurrenaren testuinguruan.
11:30ean, ikasle eta gazteen zutabe bat abiatu da EHUko campusetik. Ondoren, 12:15ean ekitaldi bat egin dute Santa Barbara plazan, eta horren ostean moztu dute errepidea, "gazte, ikasle eta langileen aldarrikapenak erdigunera ekartzeko".
Arratsaldean, Martxoak 3 Elkartearen eta sindikatuen mobilizazioak izango dira, eta bertan ere Gazte Blokearen presentzia iragarri dute gazteek. Izan ere, 17:30ean Gazte Blokearen zutabea abiatuko da Hala Bedi taberna ondoko Santa Maria kantoitik.
Ikasle eta gazte zutabea abian da!
— Gasteizko gazte blokea (@GBlokea) March 3, 2021
Gora langileon borroka ✊ pic.twitter.com/IpkXGk0kvK