16:00ak aldera, eztabaida baten testuinguruan, biktimari bularrean labankada bat eman ostean ihes egin du ustezko erasotzaileak.
Larrialdi zerbitzuak bertaratu dira, eta biktima egonkortu ostean, Txagorritxu ospitalera eraman dute. Bere egoera oso larria zen, arma zuriak birika bat zulatu baitio. Azkenean, 17:30ak aldera, gaztea hil egin da.
Ertzaintza eta Udaltzaingoa hilketaren ustezko egilearen bila izan dira. Azkenik, 19:30ean, Ertzaintzak identifikatu eta atxilotu egin du Nieves Cano kaleko etxebizitza batean, lekukoek emandako informazioan oinarrituta.
Ikerketa zabalik dago oraindik, gaztearen heriotza eragin duen erasoaren nondik norakoak argitzeko.
