Osasun egoera dela eta, datozen asteetan garatuko den matrikulazio kanpainari begira, eskolek modu berriak bilatu behar izan dituzte familia berriei hezkuntza proiektuak azaltzeko.
Adibidez, Angel Ganivet - Santa Lucia ikastetxeak talde txikietan azalpenak eta eskolako bisitak eskaintzen ditu, aldez aurretik hitzordua eskatuz gero. Talde horietan, Hezkuntza Sailak aholkatu duen bezala, sei lagun egon ahal izango dira.
Horretaz gain, eskolako web orrialdean bideo bat plazaratu dute. Zentroko hezkuntza komunitateak sortu du ikus-entzunezko bitartekoa, ikastetxea eta hezkuntza proiektua ikusarazteko.