Gasteizko Udalak jakinarazi duenez, Elurteen kontrako Larrialdi Planaren 1. faseak indarren jarraituko du datozen orduetan. Iragarpenek elur gehiago bota dezakeela aurreikusten dutenez, alerta-maila berari eustea erabaki du Herritarren Segurtasunaren Sailak.
Horrenbestez, elurteak eragindako zailtasunak apaldu nahirik, 260 pertsona inguru ari dira lanean Gasteizen, 22 makinaz lagunduta. Hiriguneko galtzadak eta oinezkoen ibilbideak garbi edukitzea dute helburu. Hiriburuko lanez gain, Gasteizko nekazaritza-eremuan ere 11 trakorek dihardute elurra kentzen.