Bi saio izan ditu aurten Gasteizko Antzerki Jaialdiaren barruan antolatutako Off Lokal tokiko sortzaileen erakustaldiak; urrian izan zen lehendabizikoa, eta aste honetan izango da bigarrena: abenduaren 18, 19, 20 eta 21ean.
Euskarazko lanek izango dute tartea oraingoan: Tranpola taldearen Txilin hotsak, Pez Limboren Itsasbehera, Piszifaktoria Laborategiaren Elkar ezagutu genuen eguna eta Hara Noriren Yparchoume lanak igaroko dira Hegoalde gizarte etxeko plazatik. 18:30ean izango da lehenengo emanaldia, eta 19:15ean bigarrena.
Besteak beste, Josune Velez de Mendizabal, Ane Gebara, Aritz Bengoa, Unai Lopez de Armentia eta Marina Suarez aktoreak igaroko dira saio honetatik.