AnHitzak 2020

"Katalunian ere antzeko egoera dago hizkuntzarekin"

Azaroaren 22an, AnHitzak topaketen seigarren saioan, Gasteizen bizi diren hainbat katalan hiztun Oihaneder Euskararen Etxean elkartu ziren. Casal Catalá elkartearen jarduera azaltzeaz gain, katalanaren eta euskararen egoera izan zuten hizpide.

Gasteizko Casal Catalá elkartearen bidez egindako hitzorduan, bertan bizi diren bost katalan hiztun bildu ziren Oihanederren, Gasteizko Hizkuntza Aniztasunaren Topaketen seigarren saioan.

Elkarteko kide Claudia Herrerosek laburbildu du solasaldia. Hirian bizi diren katalan hiztunek beraien hizkuntza eta kultura gorde eta transmititu dezaten Casaletik antolatzen dituzten ekimenen garrantziaz mintzo da, besteak beste. Euskararekiko interesa izatea normala iruditzen zaie, elkartasunagatik, "Katalunian ere antzeko egoera dagoelako hizkuntzarekin".

AnHitzak, hizkuntza eta aniztasuna

2016an, lehen aldiz, AnHitzak Gasteizko Hizkuntza Aniztasunaren Topaketak antolatu ziren Oihaneder Euskararen Etxean. Aurtengo edizioan, osasun egoerak baldintzatuta eta segurtasun neurri bereziak tarteko, taldez talde ari dira garatzen.

Oraingoan ere, Gasteizko hizkuntza aniztasunaz, transmisioaz eta euskararekiko harremanez solasean ibili dira. Hurrengo asteotan, Euskaltzaleen Topaguneak eta Gasteizko Udalak topaketak publikoki aurkeztuko dituzte. Gainera, ALEArekin lankidetzan, saio guztien laburpenak bideoz jasoko dira, eta astean behin horietako baten berri izango duzue.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide