Aitzina Folk

Mugarik gabeko folka, Khami taldearen eskutik

Khami taldeak 'Mugen Dantza' diskoa aurkeztu berri du. / KHAMI

Aitzina Folk jaialdiaren barruan, Khami taldeak bere azken diskoa, Mugen Dantza, aurkeztuko du igande honetan, abenduaren 13an, 19:00etan Gasteizko Artium museoan.

Iraide Ansorena eta Carlos Sagik sortu zuten Khami taldea, hamaika euskal artistaren topaleku eta tradizio musikal desberdinen bidegurutze. Bazzque World Sounds izan zen lehendabiziko lana, 2015ean, txistua oinarri zuena, eta Mugak bigarrena, kantua eta perkusioa ardatz zituena.

2019ko azaroan Mugen Dantza diskoa grabatu zuten, duela hilabete aurkeztutakoa. Ansorena eta Sagik zuzenduta, Iñaki Salvador, Alboka folk taldea, Efren Lopez, Angel Unzu, Garikoitz Mendizabal, Leire Berasaluze, Ander Garcia eta Kimu Txalaparta taldea ere aritu dira azkeneko lanean kolaboratzaile.

Igandean, abenduaren 13an, Gasteizko Artiumen aurkeztuko dute, Aitzina Folk jaialdiaren barruan, 19:00etan.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide