Ikuskizuna

Istorio eta ipuin musikatuak, Antton Aranbururen eskutik

Antton Aranburu gasteiztarraren azken lanak 'Kaos#Kosmos' du izena. / ANTTON ARANBURU

12 urtetik gorako umeentzat zuzendutako saioa eskainiko du Antton Aranburuk Salburuko gizarte etxean, abenduaren 6an, igandean, 19:00etatik aurrera.

Antton Aranburu gasteiztarraren azken lanak Kaos#Kosmos du izena. Disko bikoitz honen abesti bakoitzak bere istorio edo ipuin propioa dakar.

Hortaz, ikuskizun honetan literatura eta musika uztartuko dira. Aranbururen ahots eta gitarrari Amaia Cantero ere batuko zaio, ipuinak errezitatzeko eta bere koruekin abestiak kolore biziagoz jantziz. Horrez gain, proiektatuko diren irudiek eta hitzek ikuskizuna are erakargarriago bilakatuko dute.

Asteburu on pasa Salburuan programaren barruan, 12 urtetik gorako umeentzat zuzendutako saioa eskainiko du Salburuko gizarte etxeak, abenduaren 6an, igandean, 19:00etatik aurrera. Sarreren salmenta online, ikuskizuna hasi baino ordubete lehenagora arte.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide