Espainiako Poliziak Gasteizko lau gazte deklaratzera deitu ditu Betoñoko polizia-etxera, ustez istiluak eragiteagatik urtarrilaren 30eko greba orokorrean.
Astearte honetan, lau gazteen etxeetan agertu zen Espainiako Polizia, deklaratzeko agindua jakinarazteko —gazteen arabera, ahoz, baina jakinarazpen ofizialik gabe—. Horietako bi kotxeetan sartu eta Betoñoko polizia-etxera eraman zituzten; beste biek, ordea, uko egin zioten deklaratzera joateari. Atxilotu gabeko gazte horietako bat asteazken honetan atzeman eta deklaratzera eraman dute. Laugarren gaztea ezin izan dute atxilotu, oraingoz; atxilotutako beste hirurak aske gelditu dira dagoeneko.
Ernai gazte antolakundeak atxiloketa gehiago eman daitezkeela ohartarazi du. Halaber, dozenaka pertsonak manifestazioa egin dute arratsaldean Andre Maria Zuriaren plazatik abiatuta, gertatutakoa salatzeko eta "euskal gazteriaren aurka ematen ari diren erasoen aurrean kaleak hartzeko".
???? Dozenaka pertsona Gasteizen, @ErnaiGasteiz en manifestazioan.
— Arabako ALEA (@ArabakoALEA) November 11, 2020
???? Espainiako Poliziak 3 gazte atxilotu eta Betoñoko polizia-etxera eraman ditu deklaratzera #U30GrebaOrokorra gatik. Beste gazte bat atxilotzera joan dira baina ez dute lortu.
▶️ https://t.co/brlKOqAZU4 pic.twitter.com/zc8nHzGgBI