Astearte honetatik aurrera, Iturritxu kalean errei berria duen tartean bi radar kabina jarriko ditu Gasteizko Udalak. Neurgailuak ikastolaren parean kokatuko dira, oinezkoentzako bi semaforodun pasabideen artean, eta Campo de los Palacios eta Miguel Mieg kaleen artean. Izan ere, oinezkoen joan-etorri ugariko guneak dira hauek.
Astelehenean, lanak gauzatuko dituen enpresako langileak zorua prestatzen ibili ziren, eta astearteko lehenengo orduan, kabinak ipini dira.
Radar bakarra jarri beharrean, bi radar jartzea erabaki du Udalak, kale osoa lasaitzeko, eta abiadura neurgailuaren parean moteldu ondoren ibilgailuek berriro azeleratzea saihesteko. "Neurri honekin kale honetako abiadura lasaituko dugula ziur nago", adierazi du Raimundo Ruiz de Escudero Mugikortasun eta Espazio Publikoko zinegotziak.
Adi ‼️ Jarri da Iturritxu kaleko lehenengo radarra. Atención⚠️ Colocada la primera de las dos cabinas de radar que se van a instalar en la calle Iturritxu ????. Reduce la velocidad ????????????♀️, respeta al peatón ???? pic.twitter.com/EeYW1CogEZ
— Vitoria-Gasteiz! (@vitoriagasteiz) November 10, 2020