Astelehen honetan Gasteizko Foru plazan LAB sindikatuak deitutako mobilizazioan, jangeletako langileek, irakasle hezitzaileek eta gurasoek jangeletako egun arrunt bat erakutsi dute, jangela "seguruak eta kalitatezkoak" nahi dituztela aldarrikatzeko, "bai langileentzat, bai ikasleentzat".
Era berean Eusko Jaurlaritzari "baliabide guztiak" jar ditzala eskatu diote, "jangela zerbitzua erabili nahi edo behar duen edozein ikaslek eskubide hori bermatua" izateko.