Koronabirusak sortutako egoerari aurre egiteko eta Eusko Jaurlaritzak ezarri dituen azken neurriak direla eta, Udalaren antzokien sareak 19:00etara aurreratu behar izan du azaroan programatutako lanak hasteko ordua.
Salbuespen hauek izango dira:
- Familientzako ikuskizunak ohiko ordutegian eskainiko dira: 18:00etan.
- Euskadiko Orkestrak azaroaren 9an emango duen kontzertua 20:00etan hasiko da.
- Enredados ataleko azaroaren 14, 15, 16 eta 17ko saioen ordutegi berria aurrerago jakinaraziko dira.
- Off Lokal ataleko abenduaren 18, 19, 20 eta 21eko ikuskizunen ordutegi berria aurrerago jakinaraziko dira.
Hezkuntza eta Kultura zinegotzi Estibaliz Cantok adierazi duenez, programazioa mantentzea da lehentasuna, eta gasteiztarrek Antzerki Jaialdiko lanez gozatu ahal izan dezaten bermatzea. Halaber, argitu du justifikatutako arrazoiren batengatik saiora joaterik ez duten pertsonek sarreraren dirua itzultzeko eskatu ahal izango dutela ikuskizunaren aurretik, leihatilako ohiko ordutegian.