Alicia Saez de la Cuesta preso gasteiztarra Logroñoko espetxera eramango dute, Espainiako Espetxe Erakundeek astelehen honetan iragarri dutenez. Gaur egun, Castelloko espetxean dago Saez de la Cuesta; dagoeneko gainditu ditu zigorraren hiru laurdenak, eta, beraz, kalean egon beharko litzateke.
Guztira bost euskal preso lekualdatuko dituzte, gasteiztarra barne: Garikoitz Garcia Arrieta, Picassentetik Zaballara; Joseba Arregi Erostabe, Asturiasetik Martutenera; Iñaki Armendariz, Herrera de la Manchatik Burgosera; eta, azkenik, Ugaitz Perez eta Alicia Saez de la Cuesta bera, Castellotik Logroñora.
Aipatutako guztiek oso zigor luzeak bete dituzte, eta gaur egun zigor horien azken txanpan daude. Are gehiago, ezarritako zigorraren hiru laurdenak gaindituta izanda, espetxetik kanpo egon beharko liratekeen presoak dira.
Gainera, hirugarren gradua eman diote Zaballako espetxean dagoen Ibon Etxezarretari —ez EPPKko kidea—.