Pentsio publiko duinak orain! Lana eta bizitza duina denontzat goiburu, manifestazio zabal batek zeharkatu zituen Gasteizko kaleak urtarrilaren 30eko eguerdian; pentsionistak buru, 25.000 lagun elkartu ziren Arabako hiriburuan.
Egunean zehar, ordea, grebalari ugari identifikatuak izan ziren, piketeetan. Eskubide Sozialen Kartak ostiral honetan jakinarazi duenez, gutxienez horietako bostek isunak jaso dituzte: 1.500 euroko hiru isun, eta 751 euroko bi. Gainera, datorren astelehenean, urtarrilaren 30eko piketeetan identifikatutako bi gazte deklaratzera joan beharko dira Gasteizko epaitegira.
Urriaren 19an, gazteei babesa adierazteko elkarretaratzea deitu du Eskubide Sozialen Kartak, Lan, pentsio, bizitza... duina aldarrikatzea ez da delitua! lelopean; Gasteizko Justizia Jauregian izango da, 12:00etan.
Auziperatuek beraiek bideo bat argitaratu dute epaiketaren aurrean egin duten irakurketa plazaratzeko: