Espainiako Vuelta Arabara itzuliko da Gasteiztik irtengo den etapa batekin

Arabako etapari urriaren 27an ekingo diote txirrindulariek. / AFA

Col du Tourmaleteko etapa amaitu ostean, Arabako hiriburura mugituko dira txirrindulariak. Atseden egun bat hartu eta gero, urriaren 27an Gasteiztik irten eta Gaubeara iritsiko da 2020ko Espainiako Vueltaren etapa arabarra. 

Gasteiz eta Gaubea lotuko dituen Espainiako Vueltaren 159,7 kilometroko etapa aurkeztu dute astearte honetan Gorka Urtaran eta Juan Carlos Ramirez eta Gaubeako alkateek, Ramiro Gonzalez Arabako ahaldun nagusiak, Javier Guillen Unipubliceko zuzendariak eta Joseba Beloki txirrindulari ohi arabarrak.

Horren harira, Gorka Urtaran Gasteizko alkatea pozik agertu da horrelako lasterketa bat berriro ere hiriburuan izango delako. "Gasteiz bizikletari estu lotutako hiria da", adierazi du Urtaranek. Ramiro Gonzalez ahaldun nagusiak, bestalde, Espainiako Vuelta "telebistako erakusleiho handienetako bat" dela azpimarratu du.

 

Bi gau Araban

Urriaren 25ean, Col du Tourmalet gainean amaituko da etapa, eta txirrindulariak Arabako hiriburura mugituko dira, bertan atseden egun bat hartzeko. Hurrengo egunean, 26an, ez da etaparik izango, baina hilaren 27an Arabako etapari ekingo dio tropelak. Mendizabalatik irtengo dira bertan izango da sinaduren kontrola, eta Duranarako bidea hartuko dute Salburua auzoa igarota, Gaubeara abiatu aurretik.

Jardunaldiak bi pasabide izango ditu lehen mailako Urduñako gainetik, %14ko desnibel ertaineko aldapekin. Azken urratsa helmugatik 18 kilometrora dago, beraz, gailurrean lortzen diren aldeak "funtsezkoak" izango dira, etaparen garrantzia azpimarratuz Javier Guillenek azaldu duenez.

Aurtengo edizioan, zaleek ezin izango dute babesa eman lasterkariei Urduñako mendatean, pandemiaren ondoriozko segurtasun arrazoiak direla eta. Hala ere, Gasteizko kaleetan zehar tropela ikusi ahal izango da.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide