Igandeko 7:30ean egindako dei batek Zabalgana auzoko etxebizitza batean "zarata, oihu eta irain handiak" entzun zitezkeela ohartarazi zuen.
Udaltzainak bertaratu zirenean, bikotekideek onartu zuten eztabaida izan zutela, eta "biek elkarri eraso" egin ziotela, polizia-iturrien arabera. Jasotako azalpenen eta lekukoen testigantzen ondorioz, bikotea atxilotu eta epailearen esku jarri zuen Udaltzaingoak.
Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (EAEn) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
Atxiloketa gehiago
Bestalde, astelehen goizean, 47 urteko beste gizonezko bat atxilotu zuen Udaltzaingoak, ustez urruntze-agindu bat hautsi izanaren delitu baten egile izateagatik.
Arratsaldean, berriz, udaltzainek 36 urteko beste gizonezko bat atxilotu zuten, agintaritza-agenteen aurkako desobedientzia larriaren delituaren ustezko egilea izateagatik.
Gainera, 15:00etan, Burgos kaleko taberna batean bi gizonezko substantzia estupefazienteak kontsumitzen ari zirela zioen abisua jaso zuen Udaltzaingoak. Udalak plazaratutako oharraren arabera, biak musukorik gabe zeuden barruan, eta, ondorioz, musukoa janzteko eskatu zieten udaltzainek; haietako batek hala egin zuen arren, besteak ez zituen agindua bete, eta, ondorioz, atxilotu egin zuten.