Jose Luis Zumeta margolari usurbildarraren sorkuntza lanari buruzko Izenik gabe, 200 x 133 film dokumentala eskainiko dute Oihanederren asteazkenean, urriaren 14an, 18:00etan.
Enara Goikoetxeak eta Monika Zumeta margolariaren alabak 2013an zuzendu zuten Izenik gabe, 200 x 133 filma. Margolariak bereizgarri zituen sormen eta barne prozesu paregabeak erakutsi zituen lehenengo aldiz kamera aurrean. Zumetaren lanorduak eta ohiturak errespetatuz, koadroen garapena erakusten du dokumentalak, oraingo honetan 200×133 tamainako bi pinturatan lanean. Nafarroako Arribe herrian dagoen autobus garaje zahar batean daukan tailerrera sartu ziren kamarak, artistaren lan prozesua ezagutzeko.