Energiaz beteriko elektro-pop zuzena, Pello Reparazek (DeepSoda) ekoiztua. Bandinik, Lur Larrazak eta Alberto Isabak sintetizadorez, erritmo eta melodia indartsuz beteriko abestiak eramango dituzte, ahots eta letrekin irudi zirraragarriak osatuz.
Bandinirekin batera, gainera, Grises taldea gerturatuko da Gasteizko taulara; Zestoako boskoteak formula perfektua aurkitu du 80. hamarkadako soinuak egungo pop-rock ñabardurekin nahastuta, elektronika hari eroale gisa.
Jimmy Jazz aretoan izango dira bi taldeak ostiral honetan, urriaren 9an, 21:30etik aurrera.