Uda aberatsa izan du Oihaneder Euskararen Etxeak, bai jardueren eskaintzari dagokionez, eta baita jendearen erantzunari dagokionez ere: "Jarduera guztiak egin ahal izan dira, eta ikusle ugarik gozatu dute udako egitarauaz; jendea kultura gosez dagoen seinale", uste dute Oihanederreko lagunek.
Programazio oparo horren ostean, ikasturte berria eta udazkena datoz, elkarri lotuta, elkarren beharrean eta elkar hartuta. Urtaro berrirako ere, programazio anitza osatu dute: kontzertuak, ikastaroak, erakusketak, lehiaketak, jardunaldiak, ikuskizunak, filmak eta bestelako deialdiak.
"Kultura balore segurua da pandemiarik arriskutsuenari aurre egiteko eta beldurra uxatzeko", deritzote, eta kultura jorratzeari, hedatzeari eta elkar babesteari heldu nahi diote Oihanederren.
Hortaz, jarduerak doakoak izanik ere, gonbidapena aurrez eskuratu beharko da ohiko moduak erabilita: oihaneder@oihaneder.eus helbide elektronikoan, telefonoz (945 16 18 30 – 615 98 68 32) edota oihaneder.eus webgunearen bidez.
Kokein taldearen 20. urteurrena
Denboraldi berriari hasiera emateko, Kokein talde eibartarraren kontzertu bat egongo da irailaren 24an, taldeak 20 urte bete dituen honetan.
Normalean distortsioa eta soinu gogorra ezaugarri dituzten kantuen bertsio akustikoak egingo dituzte, eta, horretarako, taldea osatzen duten bost kideetatik hiru soilik igoko dira taula gainera: Zaloa, Jatsu eta Iker. Baina elektrikoan bezala azala utziko dute beren kantak emateko orduan.
Egitarau osoa
Baina, jakina, inaugurazio kontzertuaz gain, hamaika jarduera egongo dira datorren astetik aurrera eta abenduaren 20ra bitartean:
- Kontzertuak:
- Irailak 24: Kokein.
- Urriak 29: Haizea.
- Azaroak 5: Aitor Regueiro.
- Azaroak 26: Birkit.
- Abenduak 17: Aguxtin Alkhat.
- Ikuskizunak:
- Azaroak 22: Hatxe, Panpin hautsien dantza.
- Abenduak 13: Dylan dosia: Bob Dylan gogoan, Iker Diaz eta Adolfo Garciaren eskutik.
- Ikastaroak:
- Hitz Adina Mintzo ikastaroa, hizkuntza gutxituak ezagutzeko zikloa:
- Irailak 30: Karlos Zurutuza, aurkezpena.
- Urriak 21: Ivan Igartua, sorabierari buruz.
- Azaroak 16: Aitor Esteban, lakotari buruz.
- Abenduak 16: Ane Ortega eta Arkaitz Zarraga, Nasa Yuwea.
- Urtarrilak 20: AnHitzak. Gasteizko Hizkuntza Aniztasuna saioa, hainbat gonbidaturekin.
- Otsailak 17: Jorge Naur Mango Barai, mankanyera.
- Martxoak 17: Argitxu Camus eta Alberto Angus, Pirineotako euskalkiei buruz: zuberera eta erronkariera.
- Apirilak 21: Txerra Rodriguez eta Eider Palmouren eskutik, Kalaallisut: groelandiera
- Soziolinguistika Hiztegi Txikia II (UEU).
- Atzerriko unibertsitateetan eta goi-mailako zentroetan euskara irakasteko prestakuntza ikastaroa (EHU eta Etxepare Euskal Institutua).
- Hitz Adina Mintzo ikastaroa, hizkuntza gutxituak ezagutzeko zikloa:
- Erakusketa:
- Arraun the Basques' World argazki-hizki lehiaketako lan irabazleak.
- Lehiaketak:
- Hizki laburren lehiaketa.
- Liburuen zein diskoen zozketak sare sozialetan.
- Batera, kultur proiektuak elkarrekin deialdia.
- Abenduak 22: Erroak dokumentalaren aurkezpena.
- Filmak:
- Urriak 6: Female Pleasure
- Azaroak 3: Grace a Dieu
- Azaroak 18: Laburbira 2020, Euskarazko film laburren XVII. zirkuitua.
- Abenduak 1: Bilduma: Inmigrazioa film laburrean.
- Dokumentalak:
- Urriak 14: Izenik gabe 200x133
- Azaroak 11: Erroa eta geroa.
- Abenduak 9: Burbunak eta etsayak.
- Jardunaldia:
- Komunitateak ehunduz, beste bizi ereduak sortuz, UEU eta EHUko NOR ikerketa taldearen eskutik.
- Aurkezpenak:
- Urriak 17: Atopia RPG, Etzi Portu Maritimoa kolektiboaren proiektua.
- Urriak 22: Amets Arzallusen Miñan.
- Azaroak 12: Euskararen bidegurutzetik, Kike Amonarrizen eskutik.
- Mintzodromoa:
- Mintza-mintzodromoa, Gasteizko mintzalagun taldeekin.