Udalak plazaratu duenez, pertsona batek telefonoz jakinarazi zion Koordinazio Zentralari (092) irailaren 1eko 23:00ak aldera gizon bat emakume bat jotzen eta iraintzen ari zela haurren aurrean, Zaramaga auzoan.
Patruila batek auzoko kale batean aurkitu zuen emakumea, eta hark poliziei jakinarazi zien bikotekideak eraso egin ziola eta iraindu egin zuela. Bikotekidearekin harreman sentimentala zuela jakinarazi zien; gainera, bien alabak erasoa ikusi zuen.
Lekukoek emakumearen bertsioa berretsi ostean, udaltzainek erasotzailea atxilotu eta polizia-etxera eraman zuten; asteazken honetan geratu da epailearen esku.
Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (EAEn) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.