Arratsaldeko lehen ordutik Udaltzaingoaren eta Ertzaintzaren kontrol zorrotzak ezarri dira, Andre Maria Zuriaren plazaren eta San Migelgo balkoiaren sarrera guztiak ixteko eta inguruetako kaleetan joan-etorriak mugatzeko. Hartara, San Migelgo balkoian soilik hedabideetako langileak eta poliziak ziren arratsaldeko 18:00etan.
Suzirien hotsa urrunetik sentitu da ordu horretan, plazako bizilagun gutxi batzuk balkoietara atera dira Zeledon kanta abestera, eta plazako jatetxe bateko bezeroak ere txaloka hasi dira, baina gutxi iraun du ospakizunak. Plazan ez zegoen giro, eta inguruko kaleetan ere jendea lasai, terrazetan.
Argazkiak: PHOT.OK
